Fitore e jashtëzakonshme e Napolit ndaj Juventusit në “San Paolo”, pikërisht atëherë kur askush nuk e priste. Skuadra e drejtuar nga Gattuso ka mundur 2-1 kampionët e Italisë, me golat e Zielniskit në pjesën e parë dhe Insignes në pjesën e dytë (falë edhe devijimit deçiziv të De Ligt).
Polaku mposhti bardhezinjtë pas një kundërsulmi model, ndërsa kapiteni me një goditje fluturimthi.
Cristiano Ronaldo ka shënuar në fund por goli i 17-të në Serie A këtë sezon nuk ka mjaftuar për të shmangur humbjen. Portugezi ka përfituar nga një krosim i gjatë pas krahëve dhe me dinakëri ka mposhtur portierin Meret.
Kujtojmë që i gjithë stadiumi ka ofenduar dhe vërshëllyer si Higuain, ashtu edhe Maurizio Sarri, sulmuesin dhe trajnerin që dikur kanë qenë te axurrët bashkë. Për Gattuson një fitore morali dhe tepër e rëndësishme për të rigjetur paqe. Për Juventusin një hap fals dhe humbja e dytë në kampionat.
