Premier League i shpall luftë VAR-it. Sipas të përditshmes britanike “The Times”, të enjten e ardhshme, përfaqësues të 20 skuadrave të Premier League do të takohen me shefin e gjyqtarëve, Mike Riley, për të diskutuar për problematikën e hasur gjatë aplikimit të VAR këtë sezon.

Ata janë të bindur se ky instrument teknologjik nuk po e ndihmon sa duhet garën. Ndaj ata do të kërkojnë një mënyrë më efikase për të përdorur VAR, për të mos dëmtuar kampionatin. Madje, disa klube mësohet se kanë kërkuar heqjen e VAR-it duke nisur nga faza e dytë e kampionatit.