Humbje edhe kur luan bukur! Milani e pëson në “Allianz Stadium” të Torinos dhe del me zero pikë, por më e keqja është që në ndeshjen e radhës, atë ndaj Napolit, do të duhet të bëjë pa dy futbollistë: Bennacer dhe Calhanoglu. Të dy kanë plotësuar numrin e kartonëve të verdhë me ato që morën ndaj Juventusit. Kështu, trajneri Pioli, që kishte gjetur modulin dhe intepretuesit e tij të duhur, duhet të ndryshojë diçka pas dy javësh.