Mick Schumacher, djali i 7 herë kampionit të botës në Formula 1, Michael Schumacher, aktualisht garon në botërorin e Formula 2 me makinën italiane Prema. Gjithsesi, nga Frankfurti, ku ka qenë i pranishëm në ndarjen e një çmimi, ai ka deklaruar se nuk do ta refuzonte një ftesë nga Formula 1, pavarësisht se cila skuadër do ta kërkonte.
“Nuk ka qenë një sezon i lehtë, përkundrazi. Çdi ditë, çdo garë mësojmë dhe përmirësohemi me këtë sport dhe atë që na pret në të ardhmen. Këtë sezon kam kuptuar se sa e rëndësishme është të mos dorëzohesh”, tha Mick Schumacher.
20-vjeçari, më tej tha: “Nëse do të kem një oferta nga Formula 1 nuk do të tërhiqesha pas. Do ta mirëprisja. Ndaj, kalimi im në Formula 1 që sezonin tjetër është plotësisht i mundur”. Mick Schumacher është gjithashtu edhe pilot i Akademisë Ferrari.