Marash Kumbulla, mbrojtësi i Shqipërisë dhe Verona-s, ka folur për SkySport24.
“Jam më mirë, kam pësuar një tërheqje të vogël dhe shpresoj të kthehem sa më shpejt të jetë e mundur. Besoj se për të gjithë është një ëndërr të luash në Serinë A dhe unë e kam realizuar edhe falë familjes sime. Ndihem shqiptar dhe italian, por kam zgjedhur të luajë për Shqipërinë”, ka thënë Kumbulla.
“Çfarë më tha Reja? Se më njihte, se i pëlqeja. Më dhuroi debutimin me kombëtaren dhe e falënderoj. Tani duhet të vazhdoj kështu, ndoshta të përmirësohem në disa aspekte. Mbrojtja e hekurt? Meritë e trajnerit, edhe në Milano kemi luajtur mirë”.
“Skuadra e zemrës dhe ëndrra në sirtar? Kam qenë gjithmonë tifoz i Verona-s, kështu që ëndrra ime është ajo që po jetoj tani: të luaj me Verona-n”, ka përfunduar Kumbulla.
