Fabio Paratici, drejtori sportiv i Juventusit, ka bërë me dije se e ardhmja e mesfushorit gjerman Emre Can ëshgtë ende e paqartë. “Për ne është një lojtar i rëndësishëm dhe besoj se do të qëndrojë te Juventusi”, tha Paratici, që ka lënë të hapura njëkohësisht edhe mundësitë për largim.

“Natyrisht, nëse do të ketë oferta të mira financiare për Emre Can do ta lejojmë të largohet. Për të ka shumë oferta dhe klube që janë interesuar, është lojtari më i kërkuar te Juventusi në merkato. Të shohim se çfarë do të bëjmë edhe pse ne shpresojmë që të qëndrojë”, tha Paratici.