Arsenali po kalon një moment tepër të vështirë, si në kampionat ashtu edhe në Europa League. Megjithëse Emery kishte bërë mjaft ndryshime për ndeshjen ndaj Vitoria Guimaraes, paraqitja përsëri ishte e dobët dhe e pajustifikueshme.
Dy gola të shënuar në dhjetë minutat e fundit kanë bërë që sfida të mbyllet me barazimin 1-1.
Pas një pjese të parë zhgënjyese, ku vendasit kanë pasur mundësitë më të mira, sfida u ndez pas pushimit.
Në minutën e 81’ Shkodran Mustafi ka shënuar golin e avantazhit për miqtë. Ai ka kërcyer mbi të tjerëve duke realizuar një gol të bukur me kokë.
Kur u duk sikur Arsenali do të merrte tri pikët e radhës, vendasit kanë barazuar me Duarte në kohën shtesë.
Arsenali mbetet në krye të renditjes dhe e ka të sigurt kualifikimin në fazën e ardhshme.