Një episod që do të ngjallë shumë diskutime ka ndodhur në pjesën e dytë në derbin e Romës, Roma-Lazio, ku arbitri Calvarese ka akorduar 11-të metërsh për skuadrën verdhekuqe, për faull të Patric ndaj Justin Kluivert. Por, më pas, vetë arbitri ka shkuar në VAR dhe në monitor ka riparë episodin e zmadhuar dhe ngadalësuar, duke anuluar vendimin, pasi sipas tij është holandezi ai që shkakton faull ndaj mbrojtësit të Lazios. Gjithçka vazhdoi me goditje nga këndi.